OP Initiative vun der »commission communale du vivre ensemble interculturel Préizerdaul » hun nit manner wi 14 Matbierger aus der Gemeng un der Adventsfënster- Aktioun deelgeholl. Am Kader vun enger klenger Feierstonn am Gemengesall am Préizerdaul, konnt de Gesamtbetrag vun ëmmerhin 2 277,97 Euro un d’Vereenegung « OSCAR » zu Réiden iwereecht gin. Zugläich war et och de Comité vun « Chez Mani asbl » déi e Scheck vun 500 Euro, den den Erléis vun hirem Stand beim Chrëscht – Trakterëmzug duerch den Daul duerstellt, an och fir de gudden Zweck weider gin hun. Nodeems dat d’Presidentin Lena Hatto vun der kommunaler Intergratiounskommissioun all dene Leit Merci gesoot huet, fir hirt aktiv Matmaachen, huet d’Renée Fischer di zwéi Schecken am Numm vun « OSCARE » mat hirem grousse Merci entgéintgeholl. D’Haaptmissioune vun « OSCARE » mat hirem Büro zu Réiden/Atert , informéieren, beroden a betreien hëllefsbedürftig Persounen, orientéieren se, wann néideg, un déi richtig Servicer a bidde finanziell a materiell Hëllefe souwéi sozial Begleedmoosnamen un, wou dass Suen och ganz wirkungsvoll agesaat gin. (CR) (Fotoen: Charles Reiser)

Préizerdaul: Ëmmer gut gelaunt an och nach bei gudder Gesondheet, konnt d’Hilda Muller- Becker vu Proz viru kuerzem hire 85. Gebuertsdag feieren. D’Hilda Becker gouf de 16. Dezember 1940 als dat eelst vun zwee Kanner zu Hengescht gebuer. Hier Eltere waren de Leonard Becker an d’Suzanne Stecker. D’Hochzäit zu Pëtscht mam Ady Muller vu Polle (D) war den 12. Abrël 1969. Aus hirem Bestietnis sinn hir zwee Kanner Sonja a Fernand ervirgaangen. Ganz Stolz ass d’Famill Muller- Becker haut op hir véier Enkelkanner. Säit 1974 wunne sie allen zwee an hirem Haus zu Proz am Préizerdaul. Do huet d’ Hilda vun 1974 bis 1989 vill Klienten op hirer Tankstell bedéngt. Haut ass hir Fräizäit och nach gutt gefëllt niewent dem Wanderen, Reesen, Bitzen, Aqua Swim , als Member an der Amiperas Préizerdaul an am Senioreforum Useldeng. Och d’Sangen am Gesangveräin zu Ospern meecht der Jubilarin ëmmer ganz vill Freed. Wéi dat och zur schéiner Traditioun gehéiert, war de Buergermeeschter Marc Gergen a Presenz vu sengem Schëffe Marc Rehlinger bei der Jubilarin zu Proz mat enger gut gefëllter Corbeille virstellig, fir dem Hilda Muller- Becker am Numm vun der Gemeng Préizerdaul Alles Guddes a weiderhin eng gut Gesondheet ze wënschen. Hire Jong Fernand, den och als Schëffen an der Gemeng tätig ass, huet sech dene Gléckwënsch fir seng Mamm och ganz gären ugeschloss. Duerno ass d’Glas erhuewe ginn a mat der Famill op de 85. Gebuertsdag geprost ginn. (CR) (Foto: Charles Reiser)

             Happy Birthday fir 20 Jubilaren am Home Saint François zu Réiden

Réiden/Atert: Et ass di läscht Gebuertsdagsfeier vun desem Joer bei eis am Home zu Réiden. Mat dese Wieder vu Wëllkomm huet den Home- Direkter Dany Oestreicher d’Jubilaren vun de Méint September, Oktober a November begréisst an hinnen zu hirem Gebuertsdag am Numm vun der Direktioun a gesamten Personal vum Home alles Guddes a weiderhin eng gutt Gesondheet gewënscht. No enger Coupe Cremant sin si och all mat enger Rous an déijéineg mat enger ronner Zuel och nach mat engem Kaddo zousätzlech geéiert ginn. Zesumme mat de Familjen huet jiddereen sech den Teller mam Oweskascht, nieft engem gudde Stéck Kuch a Kaffi och gutt schmaache gelooss. Op di flott Musik vum Romain Thielen, de fir gut Stëmmung am festlich gerëschtem Festsall gesuergt huet ass och zesumme  mam Animatiounsteam, gedanzt gin. Bei deser schéiner Feier si folgend Jubilaren mat engem Happy Birthday, geéiert ginn: Mount September: Coljon Margot (90 Joer), Frank- Bildgen Josephine (84), Konter-Gras Raymonde (91), Peschon- Demuth Renée (85), Deimel-Weissenberger Helga (85), Schuh- Nothum Irma ( 96), Schmitz Léon (83), Simon- Fettes Andrée (81) a Graas- Simon Françoise (70). Mount Oktober: Chaussy Georg (86), Sr. Léonie 91), Braun-Kartheiser Anna (83) a Calmes- Hatz Suzette (99). Mount November : Assen- Moonen Alice (89), Bernard- Käfer Mathilde (85), Assen Martin (93), Schaus Jean (96), Berchem Alphonse (97), Schiltz- Neu Anne (94 a Sanavia Albert (93).(CR) (Foto: Charles Reiser)

Di hëlleg Caecilia, Schutzpatrounin vun de Musikanten a Sänger gëtt all Joer och landesweit gefeiert. Och am Préizerdaul ass dest Joer am Kader vun enger Owendsmass, zelebréiert vum Jacques Bagnoud desen Dag gefeiert gin. Fir den musikalischen Encadrement vun der Mass huet di Préizerdauler Musik gesuergt wärend den Ensemble Vocal Préizerdaul zum gesanglichen Deel vun deser Eucharistiefeier beigederoen huet. Beim traditionellen Banquet op der Roudbaach huet de President vun der Préizerdauler Musik, Franz Hilger, drop gehaalen fir allen Musikantinnen a Musikanten mam Virstand a Leit di dat ganzt Joer och benevol ganz aktiv waren, säin oprichtige Merci ausgesprach. Mat besonnescher Freed konnt di nei Musikantin an zugläich och neie Member am Gemengerot, Triniane Esther, och häerzlich begréisst gin. Den neien Startmusikanten ass och vill Freed an Ausdauer bei der Musik gewënscht gin. De Jean- Paul Kinnen, als Delegéierten vun der UGDA huet d’Gléckwënsch vum Zentralcomité vum Verband, der Préizerdauler Musik iwerbruecht an hir an Zukunft mat hirer Jugend weiderhin Zesummenhaalen a Freed mat schéiner Musik an der Gemeng mat op hire Wee gin. Weiderhin huet hien een Opruff gemeet fir sech an de Comité vun der UGDA ze mëllen fir an Zukunft di fräi Plaatzen och können nei ze besetzen. No sengen bäschten Gléckwënsch si folgend langjährig Musikantinnen a Musikanten mat UGDA- Auszeechnungen geéiert gin: de Félix Muller an d’Sarah Els- Lagodny hun eng „medaille de mérite“ en bonze fir 10 Joer ugespëngelt kritt. D’Vizepresidentin Carine Zuang an d‘Jenny Lopes (entschëllegt), béid schon 20 Joer Musikantin, fir si gouf et eng „médaille de mérite en argent“. De Max Els ass fir 30 Joer an der Musik mat der „médaille de mérite en vermeil“ dekoréiert gin. De René Lanners schon zënter 40 Joer aktive Musikant ass mat der „médaille en vermeil avec palmettes“ geéiert gin. Schon 50 Joer laang ass d’Lucia Albergo bei der Préizerdauler Musik aktiv an ass mat der „médaille de mérite en argent Grand- Duc Adolphe“ ausgezeechent gin. Am Numm vun der Gemeng Préizerdaul huet de Schëffen Fernand Müller der Préizerdauler Musik mat dene Geéierten di allerbëschte Gléckwënsch verbonnen mat engem grousse Merci fir d’Engagement iwerbruecht. (CR) (Foto: Charles Reiser)