Och an der Gemeng Préizerdaul ass dest Joer traditiounsgeméiss de Kommemoratiounsdag gefeiert gin. No dem Nidderleeën vu Blumen beim Denkmal ënnert de Kläng vun der sonnerie aux morts, huet de Buergermeeschter Marc Gergen un di vill Evenementer an der Welt erënnert, wou mir hei zu Lëtzebuerg bis haut no 80 Joer nach können am Fridden zesumme liewen. No der d’Gedenkfeier huet d‘Préizerdauler Musik d’Heemecht gespillt. Uschléissend huet de Pater Jean- Jacques Flammang de Gottesdëngst an der schéin gerëschter Kierch, zelebréiert, den vum „Ensemble Vocal Préizerdaul“ mam Organist Francis Glesener, musikalisch verschéinert gouf. Mam Ufänken vu Kerzen um Altoer ass och un die verstuerwen Préizerdauler Matbierger erënnert gin, déi am Krich hirt Liewen fir äis Fräiheet hu missen loossen. Dat waren: Harpes Jempy, Pletschet Alfred, Mangen Alfons, Sibenaler Jempy, Zigrand Aloyse, Besenius Willy, Kousmann Aloyse an Seyler Emile.(CR) (Fotoen: Charles Reiser)

Bei de Komplementarwale vum Sonnden, 14. September 2025 ass d’Esther Triniane vu Proz als 1. Gewielt eraus gaang.

D’Esther wunnt mat sengem Mann zanter 2 Joer zu Proz a schafft als Attachée um Staatsministère.

No senger Vereedegung duerch de Buergermeeschter Marc Gergen ass de Préizerdauler Gemengerot dann elo erëm komplett fir di nächst Aufgaben zesummen unzegoen.

Mat enger Rei Ëmbauaarbechten an eisem Baseng op der Rénk
a nei Regelungstechnik am Waassertuerm huet d’Gemeng
Préizerdaul d’Konditiounen erfëllt fir vum Ëmweltminister
d’Auszeechnung „Drëpsi am Sëlwer“ iwwerreecht ze kréien.
Dëse Label garantéiert eng zouverlässeg Liwwerung vu
qualitativ ganz guddem Drénkwaasser. De Service Technique
iwwerwaacht kontinuéierlech d’Qualitéit vun eisem
Drénkwaasser.