De Gemengerot aus dem Préizerdaul huet no senger leschter Sitzung e Mëttwoch op eng Scheckiwwerreechung invitéiert. 0.5% vun de Recettes ordinaires vum Virjoer gi järlech dofir benotzt fir verschidden Associatiounen an ONG’en z’ënnerstëtzen. Insgesamt wor et e Montant vu 46.700€ .
ONG « Komm Hëllef Mat Préizerdaul », Le soleil dans la main, Bonnievale Projects , Fondation Cancer, Kiwanis International an de Centre National pour Victimes de Violences (Croix Rouge), hunn hir Projet’e kuerz virgestallt an no dëser Geleeënheet huet och de Buergermeeschter Marc Gergen alle Participant’e nach eng Kéier Merci gesot fir hir aktiv Mataarbecht. Zum Schluss gouf a gemitlecher Atmosphär op en Eirewäin invitéiert .
