Histoire

1801

Den 1. Gemengerot gëtt ernaunt (10 Memberen).

Becker Theodor, 40 Joer, Bauer, Bieberech
Hac Theodor, 44 Joer, Doléiner, Bieberech
Reiffenberg Nic, 50 Joer, Bauer, Platen
Welter Michel, 40 Joer, Bauer, Rëmmereg
Goedert Nikolaus, 61 Joer, Bauer, Rëmmereg
Schaus Michel, 42 Joer, Bauer, Rëmmereg
Hermes Jean, 36 Joer, Bauer, Rëmmereg
Petges Michel, 43 Joer, Bauer, Proz
Gubin Nikolaus, 56 Joer, Bauer a Fierschter, Proz
Kuhn Henri, 41 Joer, Bauer, Platen

1802

Een neit Kaplounshos an eng nei Schoul gi gebaut. Bieberech gëtt « de facto »- Par an trennt sech vun Osper.

1848 – 1945

1848

D’Musikgesellschaft gëtt als 1. Vereen offiziell unerkaunt.

1848

Zu Rëmmerig gëtt eng nei Schoul gebaut. Den Auermécher Martin Straus stierft zu Rëmmerig. Eng nei Bréck verbënnt den Daul mat Foulscht.

1850

Zu Proz an zu Platen ginn néi Brécken opgeriicht.

1852

Den Adam Straus huet eng Uergel gebaut.

1853

Zu Proz an zu Rëmmerig gi Pëtzer gegruewen, well d’Waasser schlecht ass. Déi éischt Schoulkommissioun gëtt ernaunt.

1854

Zu Rëmmerig an zu Proz brécht d’Cholera os. 32 Doudiger an 2-3 Méint. Well de Kierfecht ze kleng ass, muss en néie Kierfecht ugeluecht ginn.

1855

De Fraunz Schweisthal grënnt eng Brauerei am Bieberecher Ritgeshos, bei der Kierch.

1860

D’Kierch gëtt fir d’drëtte Kéier vergréissert.

1863

E Postkutschendingscht vun Ettelbréck op Arel kéint duerch den Daul. Offiziell Grëndong vum Pompjeesvereen

1866

Zu Platen riicht den Phil. Harpes eng Gierwerei aun. D’Famillje Schwebach vu Platen zitt no Amerika. Ee vun hire Jongen (1847-1921) gëtt (1891) Bëschof vun Lacrosse (USA).

1869

Zu Bieberech gëtt eng nei Jongeschoul augeriicht.

1870

D’Schoulschwëstere kommen an den Daul.

1871

Bieberech kritt e Postrelais.
D’Famillje Kellen vu Proz verléisst den Daul fir zu Chicago « Greenhouses » (Zären) opzeriichten.

1874

Zu Rëmmerig gëtt eng Cholerakapellchen opgeriicht.
Zu Bieberech gëtt den ale Kierfecht afgedroen an de Niveau ëm d’Kierch ee Meter mei déif geluecht.

1876

Zu Proz an zu Platen gi Wäschbure gebaut, zu Rëmmerig gin 2 Bure gegruewen an e Wäschbur opgeriicht.

1879

D’Jongeschoul muss vergréissert ginn an e Musikssaul gëtt matgebaut. Op der Horas ginn 2 nei Brécken opgeriicht.

1880

Zu Biebereg gëtt eng Sonndesschoul fir déi grouss Kanner opgeriicht.

1884

De Chouer gëtt un d’Kierch ugebaut an deen alen Deel gëtt restauréiert.

1885

Zu Platen riicht de J.P. Kieffer eng Duchfabrik op, an der d’Maschinne mat Waasserkraaft gedriwwe ginn.

1888

Déi vergréissert Kierch gëtt augeweit. Dat fréiert Schlesseschhos gëtt kaaft an als Paschtoueschhos augeriicht. Dat as haut d’Gemengenhos.

1889

E Postkutschendingscht gëtt a Betrib geholl tëschent Bieberech an Useldeng.

1890

An der Post zu Bieberech gëtt en Telefonsdingscht augeriicht.

1892

Op béide Seete vum Kierchtuer gi kleng Tirem ubruecht. Et gin och zwou nei Klacken ugeschaaft.

1894

De Bëschof Schwebach kéint seng al Heemicht besichen.

1898

Zu Bieberech gëtt eng Molkerei augeriicht.

1900

Proz an Rëmmerig bauen e Schapp fir de Lokalvereen.

1902

Eng « Caisse de crédit agricole et industriel » gëtt augeriicht.

1903

E Spuerkeessdingscht gëtt an der Post augeriicht an de Postkutschendingscht vun Ettelbréck-Bieberech-Réiden-Arel gëtt erëm opgeholl.

1908

Zithaschwëstere grënnen eng Filial zu Platen, duerno établéieren si sich an der Stréissel.

1911

D’Eisebunns-Streck Réiden duerch de Préizerdaul op Ettelbréck gëtt vun der Chamber gestëmmt an d’Laund gëtt opkaaft.

1914

De 17. August brécht de Krich os.

1915

Zu Bieberech gëtt den 1. Fussballsvereen, die schonn zéinter 3 Joer besteet, offiziell gegrënnt.

1916

Den Eisebunnsprojet duerch den Daul gëtt fale gelooss, wëll de Krich den Avantage vum Camion bewisen huet. D’Postkutsch fir op Useldeng gëtt duerch dem « Kueb » säin Autobus ersat.

1915 – 1918

D’Liewensmëttele si knapp.

1918

Nom Waffestëllstaund leie franséisch Truppen 2 Méint laang am Daul am Waunterquartéier.

1914 – 1920

Well et iwwerall un de « Rohstoffe » feelt, hunn d’Leit keng Aarbicht a leiden Honger. D’Gemeng léisst eng Rei Noutstandsaarbichten osféieren fir deenen, déi an der Industrie geschafft hunn, Aarbicht ze ginn. Haaptsächlich gin d’Gemengeweeër an den Dierfer vun 3,5m op 6m erweidert.

1926

Déi 2 Sektioune vu Bieberech a Platen haten 120 Joër laang hir finanziell Suergen zesumme bestridden.
1920 hun déi Plieter d’Frëndschaft gekënnigt. Iewer 1926 ware se frou fir erëm op ee gemeinsame Portmonni zréckzekommen.

1930

Zéinter méi wéi 30 Joer war elo de Problem vun enger Waasserleitong diskutéiert gin, ouni zu engem Resultat ze kommen. Elo gouf et déck Zäit fir eng Entscheedong ze huelen. Déi Rëmmeriger entscheeden sech fir en Uschloss un d’Interkommunal Waaserleitong, déi Préizer fir eng eege Waaserleitong.

1930

‘t ass Krisis, vill Léit hu keng Aarbicht. D’Gemeng léisst de Wee duerch d’Hiehl an de Wauld ëm 3 m méi déif léen. Eng gewaulteg Entreprise fir déi Zäit. Eng grouss Entreprise war och déi nei Stréissel. Zéinter Méint ass d’CEGEDEL am gaang Stäiler opzeriichten an Dréit ze zéien, zu Bieberech beim Bierche gëtt en Transformator gebaut. Chrëschtdag war d’elektrischt Geliichts an allen Haiser.

1932

De Fussballsvereen, dien nom 1.Krich opgehéiert hat, gëtt erëm an d’Liewe geruff.

1938

De Wee no Foulscht gëtt zu enger Strooss osgebaut.

1939

Den 18. Mee feiert den Daul 100 Joer Onafhängegkeet.

2000 – 

2000

De Fussball kritt eng nei Buvette.
D’Gemeng keeft dat fréiert Altersheim „Kob“ zu Proz.
Beim Waassertuerm zu Rëmmereg gëtt e forage-captage gemeet fir eng nei Waasser-Quell .
De Velosveräin VV Tooltime gëtt gegrënnt.

2001

Duerch d‘Gesetz vum 17. Juli 2001 gëtt d’Gemeng Bettborn offiziel d’Gemeng PRÉIZERDAUL.
D’Education Précoce an d’Opfänkstrukturen funktionnéieren ab der Schoulrentrée.
Et kéint zur Fusioun vum Préizerdauler a Réidener Fussballclub → FC Préizerdaul-Réiden.

2002

D’ONG „Komm Hëllef Mat Préizerdaul“ Asbl gëtt gegrënnt, sou wéi den Institut Géologique Michel Lucius.
200 Joer Gemeng Bettborn gi gefeiert, an d’Gemeng gëtt offiziell a „Préizerdaul“ emgedéeft, mat Millerad als neiem Logo.
De Jumelage mat der Gemeng Bettborn / France besteet säit 35 Joer.
No 37 Joer Schoulmeeschter am Préizerdaul geet de Gust Flammang a Pensioun.
Et gëtt décidéiert eng Photovoltaïque-Anlag um Kierchendach z’installéieren.
Déi éischt Pensionären zéien an dat neit Réidender Altersheim an.

2003

D’Préizerdauler Pompjeeën feieren 150 Joer.
Di renovéiert Spillschoul zu Rëmmereg gëtt ageweiht, sou wéi den neie Schoulhaff mam Précoce an nei Reimlichkéeten an der Primärschoul am Daul.
Am Juli geet di nei Réidener Schwemm op.
De Préizerdaul kritt den „Nova Naturstroum“.
De Préizerdauler Wandpark mat 2 Wandmillen zu Rëmmereg geet a Betrieb.

2004

D‘Holzhackschnitzel-Verbrennungsanlag fir d’Gemeng, d’Schoul, d’Kierch a Privathäiser geet a Betrieb.
D’Pompjeeën kréien een neien TLF, eng Jeep an eng nei Garage.
De Circuit Michel Lucius gëtt ageweiht.
Di langjährig Gemengesekretärin Marie-Louise Eyschen geet a Pensioun, a gëtt ersat vum Roger Gereke.
D’Partnerschaft mat der Gemeng San Agustin am El Salvador gëtt ennerschriwen.
Am Dezember fënnt eng Night Vigil an der Schankegriecht statt, fir un d’Ardennen-Offensiv vu virun 60 Joer ze erënneren.
De Gaart an Heem feiert 75 Joer.

2005

Aweiung vum renovéierten Gebuertshaus vum Dr Michel Lucius.
No de Wahlen gëtt d’Marie-Louise Eyschen nei Schäffin.

2006

200 Joer Par Bieberich.
De Circuit Josy Barthel am Rëmmerbësch gëtt ageweiht.

2007

De Mil Calmes gëtt fir  25 Joer Buergermeeschter vum Préizerdaul geéiert.

2008

Dat renovéiert Gemengenhaus gëtt ageweiht.
De Postbüro zu Bieberig gëtt zou gemeet.
Den Dechen René Fisch stierwt den 06.09.2008.

2009

Eis Schoul kritt offiziell den Numm „Schoul Préizerdaul“.

2010

D’Haaptstrooss zu Platen gëtt erneiert.
De Mil Calmes trëtt no 29 Joer zrëck a gëtt zum « Éierebuergermeeschter“ ernannt.
Neie Buergermeeschter gëtt de Fernand Heyart.

2011

Den neien Schoul-Pavillon gëtt ageweiht.
No 30 Joer fënnt de Rallye de Luxembourg erem am Daul statt.
Den Abbé Fernand Kemmer stierft den 30.11.2011.

2012

Mir kréien 3 nei Memberen am Gemengerot: Marc Gergen, Marc Groben, Franz Hilger.
De renovéierten Waassertuerm gëtt ageweiht.
Den neien synthetischen Fussball-Terrain gëtt agweiht.
Eng nei Spillplaz gëtt opgeriicht – Dauler Kaul.
Den Laurent Carnol gëtt Sportler vum Joer 2012.

2013

D’Gemeng Préizerdaul trëtt dem Klima-Pakt bäi.
Een neien ökologischen Parking entsteet am Zentrum vum Duerf , an d’Kapell gëtt op däer neier Plaz opgericht.

2014

25 Joer Amicale vum 3. Alter.

2015

D’Gemeng Préizerdaul gëtt als bescht Klimapakt-Gemeng ausgezeechent.
Den 1. Critérium Néckel Koob gëtt organiséiert.
D’Häiser Petry a Beckerich ginn afgerappt a machen Plaz fir eng nei Maison Relais.
Eng Holzhackschnitzelheizung geet a Betrieb fir d’Fabrik an d’Sportshal zu hëzen.

2016

Straussfeier nei Maison Relais.
Den Néckel Koob stierwt den 22. Oktober 2016.

2017

No de Gemengerotswalen vum 8. Oktober 2017 gëtt de Marc Gergen Buergermeeschter,
de René Zigrand 1. Schäffen an de Marc Groben 2. Schäffen.
Am Gemengerot vertrueden sinn och nach Mareike Bönigk, François Hilger, Michel Loes,
Fernand Muller, Marc Rehlinger an Tom Schaus.

2018

Am Januar geet di nei Maison Relais op fir 148 Kanner.
Ronderëm d’Schoulgebaier gëtt e Shared Space ageriicht.
De BBC Rebound Préizerdaul feiert säin 25. Gebuertsdag.
Aweiung nei Maison Relais a Shared Space ronderëm d’Schoul den 28. September 2018.
Gold Zertifizéierung am Klimapakt den 5. November 2018 zu Baden bei Wien.

2019

Den 15. Mäerz ass den Ausseminister Jean Asselborn op Besuch am Kader vum Ronnen Dësch.
An der Sitzung vum 7. Juni gëtt de Gemengerot eng iwwerschaffe Versioun vum neie Bebauungsplang op den Instanzewee.
No der Demissioun vum Marc Groben proposéiert de Gemengerot de Marc Rehlinger als neie Schäffen.
De Gemengerot léist sech vun engem spezialiséierte Berodungsbüro ee Masterplang 2035 ausschaffen, woumadder eng
Prioritéitelëscht fir gréisser Infrastrukturaarbechten an der Gemeng festgeluecht get.

 2020

D’Gemeng gëtt Propriétaire vum Haus Schlesser mam Terrain ronderëm.
An der Sitzung vum 28. Februar hëlt de Gemengerot di prinzipiell Decisioun e neie Schoulkomplex ze bauen.
Wéinst der Pandemie vum Covid-19 ginn d’Sitzunge vum Gemengerot an de grousse Sall vun der Fabrik verluecht.
De neie Bebauungsplang gëtt ugeholl am Gemengerot vum 20. November.
An der Sitzung vum 23. Dezember hëlt de Gemengerot eng motion de, deen zur Opléisung vum Schäfferot féiert.
No der Neiwal bleift de Marc Gergen Buergermeeschter, de Fernand Müller gëtt neie Schäffen nieft dem Marc Rehlinger.

2021

Duerch Decisioun vum 20. Mee mécht d’Gemeng beim Klimapakt 2.0 mat.
De Gemengerot stemmt de 25. Juni de Projet vun der Erneierung vun der rue de la fontaine zu Platen fir e Montant vun 640.000 €
Lotissement „Moellesch Pesch“ zu Rëmmerig mat 22 Wunnunitéite gëtt den 22. September am Gemengerot votéiert.
Nieft dem Klimapakt trëtt d’Gemeng och dem Naturpakt an dem Pakt Logement 2.0 bäi.
De Marc Groben demissionéiert als Gemengerot op de 16. Dezember.

 2022

A senger Sitzung vum 18. Mee ënnerschreiwt de Gemengerot d’Klimacharta, mat der d’Gemeng eng Reduzéierung vu 55 %
vu sengem CO2 Ausstouss bis 2030 wëll erreechen, respektiv bis 2050 null Emissioun.
D’Gemeng keeft ee baufällegt Haus zu Proz fir 450.000 € fir hei abordabele Wunnraum ze schafen.
Presentatioun vum Avant-projet vum neie Schoulkomplex duerch den Architekte Büro Ballinipitt.
Lotissement „Ferme Linden“ zu Platen mat 24 Wunnunitéite gëtt de 25. Juli am Gemengerot gutt geheescht.

2023

24. Februar : d’Gemeng Préizerdaul ereecht d’Basiszertifizéierung am Naturpakt
7 Mäerz: Gemeng Préizerdaul gëtt mat Sëlwer am Klimapakt zertifizéiert

Conseils communaux